Լոնդոնի «Արսենալի» անգլիացի հարձակվող Դենի Ուելբեկը վիրահատվել է կրունկի կոտրվածք ստանալուց հետո: Այդ մասին հայտնել է անգլիական ակումբի գլխավոր մարզիչ Ունաի Էմերին՝ նշելով, որ անգլիացին երկար ժամանակ կբացակայի խաղադաշտից:
«Կարծում եմ՝ նա կբացակայի երկար ժամանակ: Դա լուրջ վնասվածք է, իսկ վերականգնման վերաբերյալ ավելի ստույգ տեղեկություն կարող է տալ թիմի բժիշկը»,- Էմերիի խոսքը մեջբերում է Sky Sports-ը:
Ուելբեկը վնասվածք էր ստացել Լիսաբոնի «Սպորտինգի» դեմԵվրոպայի լիգայի խմբային փուլի չորրորդ տուրի խաղում (0:0), որը կայացել էր նոյեմբերի 8-ին: Ընթացիկ մրցաշրջանում 27-ամյա հարձակվողը մասնակցել է 14 խաղի եւ դարձել 5 գոլի հեղինակ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։