Ամփոփիչ մրցաշար. Ֆեդերերի մեկնարկն անհաջող էր

01:53   12 նոյեմբերի, 2018

Աշխարհի երրորդ ռակետ Ռոջեր Ֆեդերերը պարտությամբ մեկնարկեց Լոնդոնում անցկացվող ATP-ի տարվա ամփոփիչ մրցաշարում:

Խմբային փուլի առաջին տուրում շվեյցարացի 37-ամյա թենիսիստը 2 սեթում պարտվեց ճապոնացի Կեյ Նիսիկորիին՝ 6:7, 3:6:

Այս խմբի մյուս խաղում հարավաֆրիկացի Կեւին Անդորսոնը 6:3, 7:6 հաշվով ուժեղ գտնվեց ավստրիացի Դոմինիկ Տիմից:

8 միլիոն դոլար մրցանակային հիմնադրամ ունեցող մրցաշարը կավարտվի նոյեմբերի 18-ին: Նախորդ տարի ATP-ի ամփոփիչ մրցաշարում հաղթել էր բուլղարացի Գրիգոր Դիմիտրովը, որը եզրափակիչում ուժեղ էր գտնվել բելգիացի Դավիդ Գոֆենից:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։