Հնդկաստանի Կալկաթա քաղաքում շարունակվող շախմատի արագ խաղի Tata Steel Chess India մրցաշարի 6 տուրից հետո Հայաստանի հավաքականի առաջատար Լեւոն Արոնյանը ամերիկացի Հիկարու Նակամուրայի հետ կիսում է առաջին տեղը՝ 4.5-ական միավոր:
Հայ գրոսմայստերը մրցաշարի երկրորդ օրը, չորրորդ տուրում սպիտակներով հաղթել է ամերիկացի Ուեսլի Սոյին, 5-րդ տուրում սեւերով ոչ ոքի է խաղացել ռուսաստանցի Սերգեյ Կարյակինի հետ, 6-րդ տուրում սեւերով հաղթել է հնդիկ Սուրիա Գանգուլիին:
Հիշեցնենք, որ առաջին օրը Արոնյանը ոչ ոքի էր խաղացել ամերիկացի Հիկարու Նակամուրայի եւ հնդիկ Վիշվանաթան Անանդի հետ, հաղթել էր հնդիկ Նիհալ Սարինին:
Նոյեմբերի 11-ին կանցկացվեն մրցաշարի վերջին երեք տուրերը: Շախմատիստները հանդես կգան նաեւ կայծակնային խաղի մրցաշարին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։