Գրիգորի Բաբայանը՝ ԵԼ–ում «Աստանայի» հաղթանակի մասին. Մեր թիմը խելահեղ բնավորություն ունի

19:18   9 նոյեմբերի, 2018

Ղազախական «Աստանայի» գլխավոր մարզիչի պաշտոնակատար Գրիգորի Բաբայանը մեկնաբանել է իր ղեկավարած թիմի 2։1 հաշվով հաղթանակը չեխական «Յաբլոնեցի» նկատմամբ Եվրոպայի լիգայի խմբային փուլի չորրորդ տուրում։

«Գերազանց սկսեցինք խաղը, արագ գոլ խփեցինք։ Հետո չեխերը փոխեցին դասավարությունը եւ խնդիրներ ստեղծեցին։ Ընդմիջմանը մենք նույնպես շտկումներ կատարեցինք եւ ավելի լիցքավորված խաղացինք։ Ունեցանք պահեր, պայքարեցինք մինչեւ վերջ։

Մեր թիմը խելահեղ բնավորություն ունի։ Կարծում եմ, մենք արժանի էինք այս հաղթանակին, քանի որ վերջին 10 րոպեներին մեծ ճնշում գործադրեցինք։ Շնորհակալ եմ երկրպագուներին, որոնք գերազանց մթնոլորտ ապահովեցին ստադիոնում։

«Աստանայի» առաջին տեղն ամբողջ թիմի աշխատանքի արդյունքն է։ Սա դժոխային աշխատանք է։ Չեմ կարծում, որ պատահականություն է»,– 38–ամյա մասնագետի խոսքը մեջբերում է sports.kz–ն։

Չորս տուրից հետո «Աստանան» 8 միավորով գլխավորում է K խմբի մրցաշարային աղյուսակը։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։