Լոնդոնի «Արսենալի» կիսապաշտպան Հենրիխ Մխիթարյանը շուտափույթ ապաքինում է մաղթել իր ակումբակից Դենի Ուելբեկին, որը լուրջ վնասվածք էր ստացել Լիսաբոնի «Սպորտինգի» դեմ Եվրոպայի լիգայի խմբային փուլի չորրորդ տուրի խաղում:
«Շուտ առողջացիր, ընկեր: Շարունակիր պայքարել»,- թվիթերյան էջում գրել է Հայաստանի հավաքականի ավագը:
Հիշեցնենք, որ Լոնդոնում կայացած խաղում անգլիացի հարձակվողը վնասվածքի պատճառով փոխարինվել էր 30-րդ րոպեին: Գրանցվել էր 0:0 hաշիվը, իսկ Հենրիխ Մխիթարյանը մեկնարկային կազմում հանդես էր եկել առանց փոխարինման եւ հանդիպման լավագույն ֆուտբոլիստ ճանաչվել Whoscored.com-ի վարկածով: Այդ ոչ ոքիից հետո անգլիական ակումբը ժամանակից շուտ ապահովեց փլեյ-օֆֆի ուղեգիր:
Get well soon mate! Keep fighting @DannyWelbeck #welbz @Arsenal pic.twitter.com/c902jmN0vV
— Henrikh Mkhitaryan (@HenrikhMkh) November 9, 2018
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։