Խորեն Բայրամյանը պատմել է, թե որ խաղային դիրքում է ավելի լավ զգում իրեն
15:04 8 նոյեմբերի, 2018Կազանի «Ռուբինի» կիսապաշտպան Խորեն Բայրամյանը խոսել է Մոսկվայի «Լոկոմոտիվի» դեմ ֆուտբոլի Ռուսաստանի առաջնության հաջորդ տուրի խաղի մասին, ինչպես նաեւ պատմել է, թե որ խաղային դիրքում է ավելի լավ զգում իրեն:
«Պատրաստվում ենք «Լոկոմոտիվի» դեմ խաղին: Դիտել ենք «Պորտուի» հետ հանդիպումը: Պետք է նայել եւ սովորել, որպեսզի հաղթենք «Լոկոմոտիվին»:
Իհարկե, ինձ ավելի շատ դուրս է գալիս խաղալ հարձակմանը մոտ: Բոլորը սիրում են խփել գոլեր, եւ ես բացառություն չեմ: Սակայն պետք է աշխատել գոլ խփելու համար»,- Հայաստանի հավաքականի թեկնածուի խոսքը մեջբերում է «Սպորտ Էքսպրեսը»:
Ռուսաստանի ընթացիկ առաջնությունում 26-ամյա Բայրամյանը մասնակցել է 11 խաղի եւ դարձել մեկ գոլի հեղինակ: Հայ կիսապաշտպանը «Ռուբինում» խաղում է վարձավճարով, իսկ նրա տրանսֆերային իրավունքը պատկանում է «Ռոստովին»:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։