«Մանչեսթեր Սիթիի» ֆուտբոլիստը ներողություն է խնդրել սկանդալային 11 մետրանոցի համար
12:36 8 նոյեմբերի, 2018Անգլիական «Մանչեսթեր Սիթիի» կիսապաշտպան Ռահիմ Ստերլինգն անդրադարձել է Դոնեցկի «Շախտյորի» դեմ Չեմպիոնների լիգայի խմբային փուլի չորրորդ տուրի խաղում նշանակված սկանդալային 11 մետրանոցին: Մանչեսթերում կայացած հանդիպման 24-րդ րոպեին անգլիացի ֆուտբոլիստը ներխուժել էր մրցակցի տուգանային հրապարակ, որտեղ ոտքով հարվածել էր խոտածածկին եւ ընկել: Խաղի գլխավոր մրցավար Վիկտոր Կաշային սխալմամբ նշանակել էր 11 մետրանոց հարված:
«Ցանկանում էի հարվածել գնդակին, իսկ հետո չգիտեմ՝ ինչ պատահեց: Ես հարվածեցի խոտածածկին եւ ընկա, այնպես որ ներողություն եմ խնդրում մրցավարից ու «Շախտյորից»: Խնդրում եմ ներել ինձ»,- Ստերլինգի խոսքը մեջբերում է Goal.com-ը:
Հիշեցնենք, որ այդ խաղում «Մանչեսթեր Սիթին» խփել էր 6 անպատասխան գոլ, իսկ Ստերլինգն աչքի էր ընկել մեկ անգամ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։