«Մոնակոն» հերքում է. Ռիբոլովլեւը Մբապեի տրանսֆերի գումարից ոչ մի եվրո չի վերցրել
21:50 7 նոյեմբերի, 2018«Մոնակո» ֆուտբոլային ակումբը պաշտոնական հայտարարությամբ հերքել է լուրերը, թե ակումբի ռուսաստանցի սեփականատեր Դմիտրի Ռիբոլովլեւը ֆրանսիացի հարձակվող Կիլիան Մբապեի տրանսֆերից ստացած գումարի մի մասը յուրացրել է:
«Մենք պատասխանատու հայտարարում ենք, որ Ռիբոլովլեւը ոչ մի եվրո չի վերցրել Մբապեի տրանսֆերից: Ռիբոլովլեւը ակումբում կատարել է 335 միլիոն եվրո ներդրում՝ տրանսֆերային ծախսերի, խաղացողների աշխատավարձի եւ ակումբի պարտքերի մարման նպատակով»,- ասվում է ակումբի հայտարարությունում:
Դմիտրի Ռիբոլովլեւը ձերբակալվել է նոյեմբերի 6-ին: Ռուս գործարարը կասկածվում է կոռուպցիայի ու ֆինանսական խարդախությունների մեջ: Նա 2011 թվականին է գնել «Մոնակոն», որը 2016/2017 մրցաշրջանում դարձավ Ֆրանսիայի չեմպիոն:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։