Բուխարեստում նոյեմբերի 9-ին կմեկնարկի սամբոյի աշխարհի առաջնությունը: Հայաստանը կներկայացնեն Տիգրան Կիրակոսյանը (52 կգ), Մաքսիմ Մանուկյանը (57 կգ), Արման Նիազյանը (62կգ), Ռաֆիկ Մանուկյանը (68կգ), Արսեն Ղազարյանը (74 կգ), Դավիթ Գրիգորյանը (82կգ), Գրիգոր Սահակյանը (90 կգ):
Կանանց մրցաշարում հանդես կգան Ասյա Լալազարյանը (48 կգ) և Աննա Մկրտչյանը (+80 կգ), հայտնում է ՀԱՕԿ լրատվականը:
Զուգահեռաբար կանցկացվի մարտական սամբոյի աշխարհի առաջնությունը: Հայաստանը կներկայացնեն Գրիգոր Մխիթարյանը (52 կգ), Մխիթար Մխիթարյանը (57 կգ), Կարեն Իսախանյանը (62 կգ), Վաչիկ Վարդանյանը (68 կգ) և Դավիթ Պետրոսյանը (82 կգ):
77 երկրի 720 մարզիկ – մարզուհի կայքարի մեդալների 27 հավաքածուի համար: Չեմպիոնը կստանա 3 հազար, արծաթե մեդալակիրը` 2 հազար, երրորդ մրցանակակիրը ` 1,5 հազար ԱՄՆ դոլար:
Հայաստանի պատվիրակությունը Ռումինիա կմեկնի նոյեմբերի 7-ի գիշերը: Առաջնությունը կավարտվի նոյեմբերի 11-ին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։