ՉԼ. «Լիվերպուլի» սենսացիոն պարտությունը, «Մոնակոյի» խայտառակությունը Անրիի գլխավորությամբ (տեսանյութ)

Ֆուտբոլի Չեմպիոնների լիգայի խմբային փուլի չորրորդ տուրում անգլիական Պրեմյեր լիգայի առաջատարներից «Լիվերպուլը» Սերբիայում մրցեց Բելգրադի «Ցրվենա Զվեզդայի» հետ եւ պարտություն կրեց 0:2 հաշվով:

Գերմանացի Յուրգեն Կլոպի գլխավորած թիմը երկու գոլերը բաց թողեց առաջին խաղակեսի 22-րդ եւ 29-րդ րոպեներին: Դուբլի հեղինակ դարձավ սերբ հարձակվող Միլան Պավկովը: 2 շաբաթ առաջ «Լիվերպուլը» տանը սերբական թիմին հաղթել էր 4:0 հաշվով:

«Լիվերպուլը» 6 միավորով մնաց C խմբի առաջին տեղում, սակայն «Նապոլին» (3 խաղում՝ 5 միավոր) կամ ՊՍԺ-ն (3 խաղում՝ 4 միավոր) հաղթանակի դեպքում կշրջանցեն անգլիական թիմին: «Ցրվենա Զվեզդան» վերջինն է՝ 4 միավոր:

Չեմպիոնների լիգայում «Մոնակոն» ֆրանսիացի Թիերի Անրիի ղեկավարությամբ անցկացրեց առաջին տնային հանդիպումը եւ խայտառակ պարտություն կրեց բելգիական «Բրյուգեից»՝ 0:4: Բելգիացի կիսապաշտպան Հանս Վանեկենը դարձավ դուբլի հեղինակ: Այս թիմերի առաջին խաղում գրանցվել էր ոչ ոքի՝ 1:1:

A խմբում «Բրյուգեն» 4 միավորով բարձրացավ երրորդ տեղ՝ հետ թողնելով «Մոնակոյին»: Խմբի առաջատարներն են Դորտմունդի «Բորուսիան» (3 խաղում՝ 9 միավոր) ու Մադրիդի «Աթլետիկոն» (3 խաղում՝ 6 միավոր):

A խումբ

«Մոնակո» (Ֆրանսիայի առաջնություն) - «Բրյուգե» (Բելգիա)՝ 0:4 (տեսանյութ)

Հանս Վանակեն, 12, 17, 11մ, Ուեսլի, 24, Ռուդ Վորմեր, 85

«Աթլետիկո Մադրիդ» (Իսպանիա) - «Բորուսիա Դորտմունդ» (Գերմանիա)՝ 00:00-ին (Երեւանի ժամանակով, 07.11)

C խումբ

«Ցրվենա Զվեզդա» (Սերբիա) - «Լիվերպուլ» (Անգլիա)՝ 2:0 (տեսանյութ)

Միլան Պավկով, 22, 29

«Նապոլի» (Իտալիա) - ՊՍԺ (Ֆրանսիա)՝ 00:00-ին