Լուկակուն չի օգնի «Մանչեսթեր Յունայթեդին» Թուրինում
23:11 6 նոյեմբերի, 2018«Մանչեսթեր Յունայթեդի» բելգիացի հարձակվող Ռոմելու Լուկակուն չի մասնակցի Թուրինի «Յուվենտուսի» դեմ Չեմպիոնների լիգայի խմբային փուլի չորրորդ տուրի հանդիպմանը, հաղորդում է Manchester Evening News-ը: Լուկակուն պորտուգալացի Ժոզե Մոուրինյոյի գլխավորած թիմի հետ չի մեկնել Իտալիա:
Ֆուտբոլիստը վնասվածքի պատճառով չէր մասնակցել նաեւ «Բորնմութի» դեմ Անգլիայի առաջնության 11-րդ տուրի հանդիպմանը: «Մանչեսթեր Յունայթեդը» հաղթել էր 2:1 հաշվով:
Չեմպիոնների լիգայի երեք խաղից հետո «Մանչեսթեր Յունայթեդը» H խմբում 4 միավորով երկրորդ տեղում է: Առաջատար «Յուվենտուսն» ունի 9 միավոր: Երկու թիմերի հանդիպումը տեղի կունենա նոյեմբերի 7-ին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։