Գվարդիոլա. Չեմպիոնների լիգայում ամեն հանդիպումն էլ մեզ համար եզրափակիչ է
22:47 6 նոյեմբերի, 2018Անգլիայի չեմպիոն «Մանչեսթեր Սիթիի» կատալոնացի գլխավոր մարզիչ Խոսեպ Գվարդիոլան խոսել է Չեմպիոնների լիգայի չորրորդ տուրում Դոնեցկի «Շախտյորի» դեմ առաջիկա հանդիպման մասին:
«Առաջին տուրում տանը «Լիոնին» պարտվելուց հետո Չեմպիոնների լիգայում ամեն հանդիպումն էլ մեզ համար եզրափակիչ է: Հիմա ամենակարեւորը «Շախտյորի» դեմ հանդիպումն է: Հետո մի քանի օր կունենանք «Մանչեսթեր Յունայթեդի» հետ դիմակայությանը պատրաստվելուն:
Վնասվածքներ ունեն Կեւին Դե Բրույնեն եւ Էլյակիմ Մանգալան: Գյունդոգանն ու Օտամենդին արդեն պատրաստ են: Մենք դուրս կգանք 1/8 եզրափակիչ, եթե հաղթենք հաջորդ երկու հանդիպումներում: Մի քանի առաջատար ակումբներ դուրս կմնան: Այդ պատճառով փլեյ-օֆֆի ուղեգիրն արդեն լուրջ նվաճում է: Առայժմ չեմ ցանկանում խոսել Չեմպիոնների լիգայի գավաթը նվաճելու մեր հնարավորությունների մասին»,- Գվարդիոլայի խոսքը մեջբերում է ՈւԵՖԱ-ի պաշտոնական կայքը:
«Մանչեսթեր Սիթի» - «Շախտյոր» հանդիպումը տեղի կունենա նոյեմբերի 7-ին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։