ԱԱ. Հակոբ Մկրտչյանը 7-րդն է
20:43 6 նոյեմբերի, 2018Թուրքմենստանի մայրաքաղաք Աշգաբադում անցկացվող ծանրամարտի աշխարհի առաջնությունում Հայաստանի ներկայացուցիչ Հակոբ Մկրտչյանը 89 կգ քաշային կարգում գրավեց 7-րդ տեղը՝ երկամարտում հավաքելով 365 կգ (160+205): Չեմպիոնի կոչումը նվաճած ռուսաստանցի Արտյոմ Օկուլովի երկամարտի արդյունքն է 372 կգ (166+206): Հրում վարժությունում Մկտչյանը հետ մնաց միայն Օկուլովից՝ արժանանալով փոքր արծաթե մեդալի:
Կանանց 71 կգ քաշային կարգում նոյեմբերի 6-ին B խմբում պայքարին մասնակցել է Հայաստանի հավաքականի անդամ Լիանա Գյուրջյանը եւ երկամարտի 195 կգ (85+110) արդյունքով գրավել է 19-րդ տեղը: Չեմպիոնի կոչումը նվաճել է չինացի Վանլի Չանգը՝ 267 կգ (115+152):
Հիշեցնենք, որ տղամարդկանց Հայաստանի հավաքականից առաջինը պայքարը սկսել էր Անդրանիկ Կարապետյանը: 81 կգ քաշային կարգում հայ մարզիկը պոկում վարժությունում պատվիրել էր 171 կգ եւ երեք փորձերն էլ ձախողել:
Աշխարհի առաջնությունում կանանց Հայաստանի թիմից առաջինը պայքարի մեջ էր մտել Իզաբելա Յայլյանը (59 կգ), որը գրավել էր 9-րդ տեղը: Երկամարտում հայ մարզուհին գրանցել էր 210 կգ (95+115) արդյունք:
Աշխարհի առաջնությունը վարկանիշային է Տոկիո-2020 Օլիմպիական խաղերի համար: Կանանց Հայաստանի հավաքականի կազմում աշխարհի առաջնությանը կմասնակցեն նաեւ Տաթեւ Հակոբյանը (81 կգ) եւ Արփինե Դալալյանը (+ 87 կգ)
Տղամարդկանց Հայաստանի հավաքականի կազմում Աշգաբադ են մեկնել նաեւ Սիմոն Մարտիրոսյանը (109 կգ) եւ Գոռ Մինասյանը (+109 կգ):
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։