Կոնտեն մեծ փոխհատուցում է պահանջում «Չելսիից»
14:22 6 նոյեմբերի, 2018Լոնդոնի «Չելսիի» նախկին գլխավոր մարզիչ Անտոնիո Կոնտեն անգլիական ակումբից 23 միլիոն եվրո փոխհատուցում է պահանջում պայմանագիրը ժամանակից շուտ խզելու համար:
La Gazzetta Dello Sport-ի համաձայն՝ իտալացի մասնագետը 13 միլիոն պահանջում է իր հեռացման համար, եւս 10 միլիոն՝ իր հեղինակությանը վնաս հասցնելու համար:
«Չելսիում» համաձայն չեն Կոնտեի պահանջների հետ, իսկ ակումբի փաստաբանական բաժինը մարզիչին մեղադրում է մի շարք կարգապահական խախտումների մեջ: Լոնդոնյան ակումբում պնդում են, որ Կոնտեն հաճախ ուշանում էր ասուլիսներից, իր մեքենան ակումբի մարզաբազայում չէր կայանում նախատեսված վայրում եւ խախտել է հովանավորչական պարտականությունները:
Հիշեցնենք, որ Իտալիայի ազգային հավաքականի եւ Թուրինի «Յուվենտուսի» նախկին գլխավոր մարզիչը «Չելսին» գլխավորել էր 2016-ի ապրիլից մինչեւ 2018-ի հուլիսի 12-ը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։