Նադալը չի մասնակցի նաեւ ATP տարվա ամփոփիչ առաջնությանը
21:09 5 նոյեմբերի, 2018Աշխարհի երկրորդ ռակետ, իսպանացի Ռաֆայել Նադալը հայտարարել է, որ չի մասնակցի նոյեմբերի 11-18-ը Լոնդոնում կայանալիք ATP տարվա ամփոփիչ առաջնությանը:
«Բարդ տարի էր: Որովայնային մկանների ցավն անհանգստացնում է ինձ: Այդ խնդիրը կխանգարի ինձ խաղալ Լոնդոնում, եւ ես որոշեցի խուսափել հնարավոր բարդացումներից: Մրցաշրջանն ինձ համար ավարտված է: Հույս ունեմ, որ հաջորդ տարի լիարժեք պատրաստ կլինեմ: Շնորհակալ եմ բոլորին աջակցության համար»,- Թվիթերում գրել է Նադալը:
Հիշեցնենք, որ Նադալը հրաժարվել էր մասնակցել նաեւ Փարիզում անցկացված «Մասթերսին», ինչի հետեւանքով առաջին ռակետի կարգավիճակը զիջեց սերբ Նովակ Ջոկովիչին:
Այս տարի Նադալը մասնակցել է 14 մրցաշարի, հաղթել է Ֆրանսիայի բաց առաջնությունում, Տորոնտոյի, Հռոմի, Բարսելոնայի եւ Մոնտե Կարլոյի մրցաշարերում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։