Ռուսաստանի Խանտի Մանսիյսկ քաղաքում նոկաուտ մրցակարգով անցկացվող շախմատի կանանց աշխարհի անհատական առաջնությունում Հայաստանի 2 ներկայացուցիչներից մեկը լքեց պայքարը:
Լիլիթ Մկրտրյանը երկրորդ պարտիայում սպիտակներով ոչ ոքի խաղաց կանանց աշխարհի 14-րդ չեմպիոն, ուկրաինացի Աննա Ուշենինայի հետ, որը հաղթանակ էր տարել առաջին պարտիայում:
Էլինա Դանիելյանը երկրորդ պարտիայում եւս ոչ ոքի խաղաց Հունգարիայի ներկայացուցիչ Տան Տրանգ Հոանգի հետ: Առաջին պարտիայում եւս հաղթող չէր եղել: Այս զույգի հաղթողը կորոշվի նոյեմբերի 5-ին կայանալիք թայ-բրեյքում:
Հիշեցնենք, որ աշխարհի առաջնությունում պարտվողը դուրս է մնում հետագա պայքարից: Մրցակիցներն իրար հետ անցկացնում են 2-ական պարտիա՝ սպիտակներով ու սեւերով: Ոչ ոքիի դեպքում պայքարը շարունակվում է թայ-բրեյքում: Առաջնությունը կավարտվի նոյեմբերի 23-ին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։