Պուտինը՝ Դալալոյանին. Դուք վերադարձրիք մեր երկրին ոսկին, որը չէինք ունեցել գրեթե 20 տարի
22:18 1 նոյեմբերի, 2018Ռուսաստանի նախագահ Վլադիմիր Պուտինը շնորհավորել է ռուսաստանցի մարմնամարզիկ Արթուր Դալալոյանին, որը նվաճել է Դոհայում անցկացվող աշխարհի առաջնության անհատական բազմամարտի չեմպիոնի կոչումը: Այս մրցաձեւում Ռուսաստանը նախորդ անգամ չեմպիոն ունեցել էր 1999 թվականին:
«Հաղթանակ անհատական բազմամարտում. Դուք վերադարձրիք մեր երկրին ոսկին, որը չէինք ունեցել գրեթե 20 տարի: Սա մեծ եւ նշանակալի իրադարձություն է սպորտային մարմնամարզության հայրենական դպրոցի համար, արժանի ներդրում է հաղթական ավանդույթների շարունակության գործում»,- ասվում է Կրեմլի կայքում հրապարակված շնորհավորական հաղորդագրությունում:
Այս առաջնությունում Արթուր Դալալոյանը Ռուսաստանի հավաքականի հետ դարձել էր նաեւ թիմային բազմամարտի աշխարհի փոխչեմպիոն:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։