Էռնեստո Վալվերդե. Մրցաշրջանի ամենաբարդ խաղերից էր
13:12 1 նոյեմբերի, 2018«Բարսելոնայի» գլխավոր մարզիչ Էռնեստո Վալվերդեն մեկնաբանել է Իսպանիայի գավաթի խաղարկության 1/16 եզրափակիչի առաջին խաղում «Կուլտուրալ Լեոնեսայի» նկատմամբ արտագնա հաղթանակը նվազագույն հաշվով:
«Դժվար հանդիպում էր: Սա այս մրցաշրջանի ամենաբարդ խաղերից էր: Ամեն դեպքում, թիմը ցուցադրեց իր տրամադրվածությունն այս խաղին: Ֆուտբոլը միշտ փորձություն է, բայց այսօր ես տեսա մի շարք դրական կողմեր: Իմ խաղացողները լավ տեսք ունեին, թեեւ նրանցից շատերը վերջերս խաղում էին երկրորդ թիմում»,- մարզիչի խոսքը մեջբերում է ակումբի կայքը:
Հիշեցնենք, որ Իսպանիայի երրորդ լիգայի ներկայացուցիչի դեմ խաղում կատալոնական ակումբի հաղթական գոլն ավելացված ժամանակում խփել էր ֆրանսիացի պաշտպան Կլեման Լանգլեն: Պատասխան հանդիպումը Բարսելոնայում տեղի կունենա դեկտեմբերի 5-ին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։