Սերբ թենիսիստ Նովակ Ջոկովիչը 2016 թվականից հետո առաջին անգամ կգլխավորի համաշխարհային դասակարգման աղյուսակը: Աշխարհի առաջին ռակետ, իսպանացի Ռաֆայել Նադալը վնասվածքի պատճառով հրաժարվել է մասնակցել Փարիզի «Մասթերսին» եւ նրան փոխարինել է թունիսցի Մալեկ Ժազիրին: Ջոկովիչը Փարիզում դուրս է եկել երրորդ շրջան եւ կմրցի բոսնիացի Դամիր Ջումհուրի հետ: Անկախ Փարիզում ցույց տված արդյունքից Ջոկովիչը հաջորդ շաբաթ դարձյալ կդառնա աշխարհի առաջին ռակետ:
2000 թվականից հետո առաջին անգամ մրցաշարջանը լավագույն 20-ից դուրս սկսած թենիսիստը կբարձրանա առաջին տեղ: 18 տարի առաջ այդպիսի հաջողություն էր ունեցել ռուսաստանցի Մարատ Սաֆինը, որը մրցաշրջանը սկսել էր համաշխարհային դասակարգման 38-րդ տեղում եւ դարձել էր առաջին ռակետ: Ջոկովիչն այս մրցաշրջանը սկսել է 22-րդ տեղում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։