NBA. 52 միավոր վաստակած Կլեյ Թոմփսոնը գերազանցեց Ստիվեն Կարիի ռեկորդը

21:44   30 հոկտեմբերի, 2018

Գոլդեն Սթեյտի» պաշտպան Կլեյ Թոմփսոնը, 52 միավոր վաստակելով «Չիկագոյի» դեմ Բասկետբոլի ազգային ասոցիացիայի (NBA) կանոնավոր առաջնության հերթական տուրի խաղում, սահմանել է ռեկորդ, փոխանցում է NBA-ի կայքը:

Թոմփսոնն առաջին բասկետբոլիստն է, որը NBA-ի մեկ խաղում կատարում է 14 դիպուկ 3 միավորանոց նետում (24 փորձից): Այդ ցուցանիշով նախորդ ռեկորդը պատկանում էր Կլեյ Թոմփսոնի ակումբակից Ստիվեն Կարիին, որը մեկ խաղում գրանցել է 3 միավորանոց 13 նետում:

«Չիկագոյի» դեմ խաղում NBA-ի գործող չեմպիոնն առավելության էր հասել 149:124 հաշվով:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։