Լյուիս Հեմիլթոնը՝ Ֆորմուլա-1-ի հնգակի չեմպիոն
01:15 29 հոկտեմբերի, 2018«Մերսեդեսի» բրիտանացի մրցարշավորդ Լյուիս Հեմիլթոնը 5-րդ անգամ հռչակվեց Ֆորմուլա-1 դասի ավտոարշավի աշխարհի չեմպիոն: Մեքսիկայի Մեծ մրցանակում (19-րդ փուլ) Հեմիլթոնը գրավեց 5-րդ տեղը եւ առաջնության ավարտից երկու փուլ առաջ 358 միավորով ընդհանուր հաշվարկում անհասանելի դարձավ երկրորդ տեղում ընթացող «Ֆերարիի» գերմանացի մրցարշավորդ Սեբաստիան Ֆետելի համար, որը Մեքսիկայում գրավեց երկրորդ տեղը եւ ունի 294 միավոր:
Հաղթող է դարձել «Ռեդ Բուլի» հոլանդացի ներկայացուցիչ Մաքս Ֆերստապենը: Երրորդ տեղը գրավել էր Կիմի Ռայկոնենը («Ֆերարի», Ֆինլանդիա):
Տիտղոսների քանակով Հեմիլթոնը հավասարվեց արգենտինացի Խուան Մանուել Ֆանխիոյին: Ռեկորդակիրը գերմանացի Միխայել Շումախերն է՝ 7 տիտղոս:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։