Բրիտանական Մեն կղզում անցկացվող Isle of Man մրցաշարի 6-րդ տուրում հայկական շախմատի առաջատար Լեւոն Արոնյանը սեւ ֆիգուրներով խաղաց հնդիկ գրոսմայստեր Ադհիբանի հետ եւ 31-րդ քայլում համաձայնեց ոչ ոքի արդյունքի: Սա Արոնյանի չորրորդ անընդմեջ ոչ ոքին էր այս մրցաշարում:
Լեւոն Արոնյանը վաստակել է 4 միավոր: Ընթացիկ առաջատարն է ամերիկացի Հիկարու Նակամուրան, որը սպիտակներով պարտության է մատնել հնդիկ Աբհիջետ Գուպտային եւ ունի 5 միավոր: Մյուս առաջատարների մասնակցությամբ պարտիաները դեռ շարունակվում են:
Շարունակվում է նաեւ Հայաստանի հավաքականի անդամ Հրանտ Մելքումյանի եւ ռուսաստանցի Ալեքսանդր Գրիշչուկի պարտիան: 5 տուրից հետո նրանք վաստակել են 3.5-ական միավոր:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։