Չեմպիոնների լիգա. Բենզեման կրկնեց Մեսիի ու Ռաուլի ռեկորդը

10:12   24 հոկտեմբերի, 2018

Մադրիդի «Ռեալի» ֆրանսիացի հարձակվող Քարիմ Բենզեման, գոլի հեղինակ դառնալով չեխական «Վիկտորիա Պլզենի» դեմ Չեմպիոնների լիգայի երրորդ տուրի խաղում (2:1), դարձել է այդ մրցաշարի պատմության երրորդ ֆուտբոլիստը, որը գոլ է խփում 14-րդ մրցաշրջանում անընդմեջ, հայտնում է Opta-ն:

Նախկինում Չեմպիոնների լիգայի 14 խաղերում անընդմեջ գոլ խփել հաջողվել էր միայն «Ռեալի» լեգենդար հարձակվող Ռաուլ Գոնսալեսին ու «Բարսելոնայի» արգենտինացի ռմբարկու Լիոնել Մեսիին:

Հիշեցնենք, որ նախօրեին Քարիմ Բենզեման 57 գոլով բարձրացել էր Չեմպիոնների լիգայի բոլոր ժամանակների լավագույն ռմբարկուների ցուցակի չորրորդ տեղ՝ շրջանցելով հոլանդացի Ռուդ վան Նիստելրոյին: Այդ ցուցանիշով ֆրանսիացին զիջում է միայն Կրիշտիանու Ռոնալդուին (120 գոլ), Լիոնել Մեսիին (105 գոլ) եւ Ռաուլին (71 գոլ):



© 2019 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։