Անգլիական «Մանչեսթեր Յունայթեդի» եւ աշխարհի չեմպիոն Ֆրանսիայի հավաքականի կիսապաշտպան Պոլ Պոգբան խոստովանել է, որ Թուրինի «Յուվենտուսի» դեմ Չեմպիոնների լիգայի խմբային փուլի երրորդ տուրի հանդիպումն իր համար կլինի շատ հուզական:
Պոգբան «Յուվենտուսում» հանդես է եկել 2012-2016 թվականներին:
«Սա բացարձակ առանձնահատուկ իրավիճակ է ինձ համար: Մենք նախկին ակումբակիցներիս հետ փոխանակվել ենք հաղորդագրություններով դարձյալ հանդիպելու մասին: Սա շատ հուզական իրավիճակ է, քանի որ առաջին մրցաշրջանս պրոֆեսիոնալ ֆուտբոլում անցկացրել եմ եւ առաջին գոլս խփել եմ «Յուվենտուսում»: Թուրինյան ակումբում եմ հասունացել եւ շատ եմ հարգում այդ թիմը»,- Պոգբայի խոսքը մեջբերում է ՈւԵՖԱ-ի պաշտոնական կայքը:
Հոկտեմբերի 23-ին «Օլդ Տրաֆորդում» կայանալիք «Մանչեսթեր Յունայթեդ» - «Յուվենտուս» հանդիպումը կմեկնարկի Երեւանի ժամանակով 23:00-ին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։