Լուկակու. Խնդիրը իսկապես բարդ մրցակցին հաղթելն է
16:43 23 հոկտեմբերի, 2018Անգլիական «Մանչեսթեր Յունայթեդի» եւ Բելգիայի հավաքականի հարձակվող Ռոմելու Լուկակուն խոսել է Իտալիայի չեմպիոն Թուրինի «Յուվենտուսի» դեմ Չեմպիոնների լիգայի երրորդ տուրի առաջիկա հանդիպման մասին:
«Մենք գիտենք, որ մեծ հանդիպում է լինելու եւ պատրաստ ենք դրան: Ակնհայտ է, որ խնդիրը իսկապես բարդ մրցակցին հաղթելն է: Մենք կանենք հնարավոր ամեն ինչ եւ կտեսնենք, թե ինչ արժենք Եվրոպայի լավագույն թիմերից մեկի դեմ պայքարում:
Նախորդ երեք հանդիպումները ցույց տվեցին, որ մենք կարող ենք խաղալ եւ առաջ շարժվել, ունենք բարձրակարգ խաղացողներ: Այժմ պետք է մարզումների ժամանակ կատարած աշխատանքը վերածել հաղթանակի»,- Լուկակուի խոսքը մեջբերում է ՈւԵՖԱ-ի մամուլի ծառայությունը:
Հոկտեմբերի 23-ին «Օլդ Տրաֆորդում» կայանալիք «Մանչեսթեր Յունայթեդ» - «Յուվենտուս» հանդիպումը կմեկնարկի Երեւանի ժամանակով 23:00-ին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։