Մադրիդի «Ռեալի» ավագ Սերխիո Ռամոսը Թվիթերում արած գրառումով ընդունել է, որ սխալ է վարվել թիմի մարզման ժամանակ Սերխիո Ռեգիլոնի հետ կապված իրավիճակում: Պաշտպանը գնդակով երկու անգամ հարվածել էր «Ռեալի» երկրորդ թիմի խաղացողին, որը կոպիտ էր խաղացել իր դեմ:
«Սովորական իրավիճակ էր: Բայց ես չեմ արդարացնում իմ վարքը: Պետք է այդպես չարձագանքեի: Մենք միշտ էլ մեզ չենք խնայում մարզումների ժամանակ: Հաղթեց Ռեգիլոնի թիմը: Մոռանում ենք այս մասին եւ պատրաստվում Չեմպիոնների լիգայի խաղին»,- գրել է Ռամոսը:
Ըստ ամենայնի, 21-ամյա Ռեգիլոնը ներել է Ռամոսին տգեղ վարքի համար:
«Միշտ իմ թիմի եւ ավագի հետ եմ»,- գրել է ֆուտբոլիստը:
Հոկտեմբերի 23-ին «Ռեալը» Չեմպիոնների լիգայի երրորդ տուրում կընդունի չեխական «Վիկտորիա Պլզենին»:
Արքայական ակումբը նախորդ հինգ հանդիպումներում կրել է չորս պարտություն, մեկ խաղ էլ ավարտել է ոչ ոքի:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։