Բրիտանական Մեն կղզում անցկացվող Isle of Man շախմատային մրցաշարի երրորդ տուրում Լեւոն Արոնյանը ոչ ոքի է խաղացել ԱՄՆ-ը ներկայացնող Սամուել Սեւյանի հետ: Հայկական շախմատի առաջատարը հանդես է եկել սպիտակ ֆիգուրներով:
Հայաստանի հավաքականի շախմատիստ Հրանտ Մելքումյանը սեւերով պարտվել է ռուսաստանցի Պավել Տրեգուբովին:
Երրորդ տուրից հետո մրցաշարային աղյուսակը 3-ական միավորով գլխավորում են 5 շախմատիստներ, որոնց թվում է նաեւ ֆրանսիացի Մաքսիմ Վաշյե-Լագրավը: Արոնյանը եւ Սեւյանն առաջատարներից հետ են կես միավոր:
Isle of Man-ին մասնակցում են 37 երկրների 165 շախմատիստներ, այդ թվում՝ 75 գրոսմայստեր: Մրցաշարի մասնակիցների թվում են նաեւ աշխարհի նախկին չեմպիոններ Վիշվանաթան Անանդը եւ Վլադիմիր Կրամնիկը, ամերիկացիներ Ուեսլի Սոն ու Հիկարու Նակամուրան, ռուսաստանցիներ Սերգեյ Կարյակինը եւ Ալեքսանդր Գրիշչուկը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։