«Ռեալը» կողմնորոշվել է Լոպետեգիին փոխարինողի հարցում

Մադրիդի «Ռեալի» ղեկավարությունն առաջիկայում կարող է հեռացնել թիմի գլխավոր մարզիչ Խուլյեն Լոպետեգիին:

Marca-ի համաձայն՝ իսպանացի մասնագետին փոխարինելու գլխավոր թեկնածուն է արգենտինացի Սանտյագո Սոլարին, որը 2016 թվականից գլխավորում է «Ռեալի» երիտասարդական թիմը: Սոլարին «Ռեալի» նախկին ֆուտբոլիստ է եւ Արքայական ակումբում խաղացել է 2000-2005-ը:

Լոպետեգիին փոխարինելու թեկնածու է համարվում նաեւ Իտալիայի ազգային հավաքականի, Թուրինի «Յուվենտուսի» ու Լոնդոնի «Չելսիի» նախկին գլխավոր մարզիչ Անտոնիո Կոնտեն, որը գործազուրկ է այս պահին:

Հիշեցնենք, որ բոլոր մրցաշարերում «Ռեալը» չի հաղթել նախորդ 5 խաղերում՝ կրելով 3 անընդմեջ պարտություն: