MLS-ի կանոնավոր առաջնության հերթական տուրում «Դի Սի Յունայթեդը» տանը 3:1 հաշվով հաղթել է «Նյու Յորքի «Սիթիին»: Դաշտի տերերի կազմում դուբլի հեղինակ է դարձել Անգլիայի հավաքականի եւ «Մանչեսթեր Յունայթեդի» նախկին հարձակվող Ուեյն Ռունին, իսկ հյուրերից աչքի է ընկել իսպանացի ռմբարկու Դավիդ Վիլյան:
«Չիկագո Ֆայրը» հյուրընկալվելիս 1:2 հաշվով պարտվել է «Ատլանտա Յունայթեդին»:
Հայաստանի ազգային հավաքականի հարձակվող Յուրա Մովսիսյանը «Չիկագո Ֆայրի» կազմում փոխարինման է դուրս եկել 73-րդ րոպեին, երբ հաշիվը 1:2 էր:
Հիշեցնենք, որ հոկտեմբերի 13-ին եւ 16-ին Յուրա Մովսիսյանը Հայաստանի հավաքականի կազմում մասնակցել էր Ջիբրալթարի (0:1) ու Մակեդոնիայի (4:0) դեմ Ազգերի լիգայի խաղերին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։