Հունգարիայի մայրաքաղաք Բուդապեշտում ընթացող ազատ ոճի ըմբշամարտի աշխարհի առաջնության երկրորդ օրը (ուղիղ եթեր) Հայաստանի երեք ներկայացուցիչներից Գրիգոր Գրիգորյանը տարավ երկրորդ տպավորիչ հաղթանակը:
79 կգ քաշային կարգի 1/8 եզրափակիչում հայ ըմբիշը գոտեմարտեց Ուզբեկստանի ներկայացուցիչ Ռաշիդ Կուրբանովի հետ եւ պարտության մատնեց 9:2 հաշվով:
Որակավորման փուլում Գրիգոր Գրիգորյանը մրցել էր Ռումինիայի ներկայացուցիչ Օմարասխաբ Նաժմուդինովի հետ եւ առավելության հասել 10:7 հաշվով:
57 կգ քաշային Միհրան Ջաբուրյանը 1/8 եզրափակիչում 0:10 հաշվով պարտվել է ռուսաստանցի Զավուր Ուգուեւին, 65 կգ քաշային կարգի որակավորման գոտեմարտում Վալոդյա Ֆրանգուլյանը 2:9 հաշվով պայքարը տանուլ տվեց մրցեց Լեհաստանի ներկայացուցիչ Մագոմեդմուրադ Գաջիեւին, իսկ առաջնության առաջին օրը Հայաստանի ներկայացուցիչներից 74 կգ քաշային Վալտեր Մարգարյանը 1/16 եզրափակիչում 4:10 հաշվով պարտվել էր բելառուս Ազամատ Նուրիկովին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։