Ռոբերտ Արզումանյանն ավարտել է կարիերան
21:01 20 հոկտեմբերի, 2018Ֆուտբոլի Հայաստանի ազգային հավաքականի նախկին պաշտպան Ռոբերտ Արզումանյանն ավարտել է կարիերան: Այդ մասին «Արցախ» - «Լոռի» Հայաստանի Բարձրագույն խմբի 12-րդ տուրի խաղից հետո հայտնեել է երեւանյան ակումբի գլխավոր մարզիչ Ռաֆայել Նազարյանը:
33-ամյա Արզումանյանն այս ամռանն էր պայմանագիր կնքել «Արցախի» հետ, որի կազմում չմասնակցեց պաշտոնական հանդիպման: Վերջին շրջանում նա հանդես չէր գալիս վնասվածքի պատճառով:
Ռոբերտ Արզումանյանը 2005-2016-ը Հայաստանի հավաքականի կազմում մասնակցել է 74 հանդիպման եւ դարձել 5 գոլի հեղինակ: Կարիերայի ընթացքում նա հանդես է եկել նաեւ Երեւանի «Փյունիկում», դանիական «Ռանդերսում», լեհական «Յագելոնիայում», ռուսական «ԲՄԱ-Էներգիայում», ղազախական «Ակտոբեում», Պերմի «Ամկարում» եւ Կարագանդայի «Շախտյորում»:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։