Հայաստանի երիտասարդական հավաքականի դեմ խաղացած հարձակվողը 5 գոլ է խփել Բունդեսլիգայի խաղում եւ սահմանել ռեկորդ
12:10 20 հոկտեմբերի, 2018Ֆրակֆուրտի «Այնտրախտի» սերբ հարձակվող Լուկա Յովիչը պենտա-տրիկի հեղինակ է դարձել «Դյուսելդորֆի» դեմ գերմանական Բունդեսլիգայի 8-րդ տուրի մեկնարկային խաղում, որում դաշտի տերերը հաղթել են 7:1 հաշվով:
Յովիչը դարձել է Բունդեսլիգայի մեկ խաղում 5 գոլ խփած ամենաերիտասարդ ֆուտբոլիստը: Նա ռեկորդը գրանցել է 20 տարեկան 300 օրականում:
Գերմանիայի ընթացիկ առաջնությունում Սերբիայի երիտասարդական հավաքականի հարձակվողը գոլերի քանակը հասցրել է 7-ի եւ միանձնյա գլխավորել ռմբարկուների ցուցակը:
Հիշեցնենք, որ հոկտեմբերի 16-ին Լուկա Յովիչը Սերբիայի երիտասարդական հավաքականի կազմում մասնակցել էր Հայաստանի Մ-21 թիմ դեմ Եվրոպայի առաջնության ընտրական փուլի վերջին խաղին, որն ավարտվել էր 0:0 հաշվով: Սերբական Նովի Սադում կայացած խաղում նա փոխարինման էր դուրս եկել 67-րդ րոպեին:
Եվրոպայի երիտասարդական առաջնության ընտրական փուլում Յովիչը խփել էր 7 գոլ՝ օգնելով սերբերին առաջին տեղը գրավել 7-րդ խմբում (Սերբիա, Ավստրիա, Ռուսաստան, Հայաստան, Մակեդոնիա, Ջիբրալթար):
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։