«Ռեալի» գլխավոր մարզիչ. Բացարձակ հանգիստ եմ եւ կենտրոնացած
16:42 19 հոկտեմբերի, 2018Մադրիդի «Ռեալի» գլխավոր մարզիչ Խուլեն Լոպետեգին մտավախություն չունի, որ կհեռացվի պաշտոնից, թեեւ արդեն չորս հանդիպում անընդմեջ Արքայական թիմը չի կարողանում հաղթել եւ գոլ խփել:
«Ես բացարձակ հանգիստ եմ եւ կենտրոնացած եմ աշխատանքիս վրա: Ինձ լավ եմ զգում եւ մնում եմ «Ռեալի» մարզիչ: Հասկանում եմ, որ այս ակումբում պահանջներն առավելագույնն են, բայց անկումներով եւ վերելքներով պետք է ապրել մինչեւ մրցաշրջանի ավարտը: Պետք է անդադար աշխատել եւ չշեղվել մեկնաբանությունների վրա»,- Լոպետեգիի խոսքը մեջբերում է AS-ը:
Իտալական մամուլը գրել էր, թե «Ռեալը» բանակցություններ է սկսել «Չելսիի» նախկին գլխավոր մարզիչ Անտոնիո Կոնտեի հետ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։