Մյունխենի «Բավարիայի» ղեկավար Կարլ-Հայնց Ռումենիգեն եւ մարզական տնօրեն Հասան Սալիհամիջիչը հոկտեմբերի 19-ին հրավիրել են մամուլի ասուլիս, որի ժամանակ սպասվում է թիմի գլխավոր մարզիչի պաշտոնում ֆրանսիացի Արսեն Վենգերի նշանակման մասին հայտարարություն, հաղորդում է գերմանական Bild-ը:
Վենգերը հայտարարել էր, որ մտադիր է վերսկսել մարզչական գործունեությունը հունվարի 1-ից: Նա Լոնդոնի «Արսենալից» հեռացել էր անցած մրցաշրջանի ավարտից հետո:
Գերմանիայի ընթացիկ առաջնությունում «Բավարիան» խորվաթ Նիկո Կովաչի գլխավորությամբ ընթանում է 6-րդ տեղում՝ առաջատար Դորտմունդի «Բորուսիային» զիջելով 4 միավոր: Չեմպիոնների լիգայում մյունխենյան թիմը երկու տուրից հետո 4 միավորով երկրորդն է E խմբում: «Բավարիան» արդեն չորս հանդիպում հաղթանակ չի տարել:
46-ամյա Կովաչն այս ամռանն է գլխավորել «Բավարիան»՝ կնքելով 3 տարվա պայմանագիր:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։