Հայաստանի հավաքականը ՈւԵՖԱ-ի Ազգերի լիգայում շարունակում է առաջատար մնալ դարպասին եւ դարպասի ուղղությամբ կատարած հարվածների քանակով: Չորս խաղում հայ ֆուտբոլիստները կատարել են 89 հարված:
Մակեդոնիայի հավաքականի նկատմամբ տարած 4:0 հաշվով հաղթանակից հետո Հայաստանի հավաքականի վիճակագրական որոշ տվյալներ բարելավվել են:
Մակեդոնացիների դեմ խաղում 2 գոլային փոխանցում կատարած Հենրիխ Մխիթարյանը Արաս Օզբիլիսի եւ եւս 11 ֆուտբոլիստների հետ բաժանում է երրորդ տեղն այդ ցուցանիշով: Լավագույնը իսպանացի Մարկո Ասենսիոն է, որը կատարել է 5 գոլային փոխանցում:
Մինչեւ Մակեդոնիայի դեմ խաղը Հայաստանի հավաքականը Ազգերի լիգայում առաջատար էր նաեւ գնդակի վերահսկողության տոկոսով՝ 62: Սակայն Մակեդոնիայի դեմ խաղում Հայաստանի հավաքականը գնդակը վերահսկել է ժամանակի 43 տոկոսը եւ դուրս է մնացել առաջատար հնգյակից: Այդ ցուցանիշով առաջին տեղում Իսպանիայի հավաքականն է՝ 64 տոկոս:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։