Պրոֆեսիոնալ բռնցքամարտի հինգ քաշային կարգերում աշխարհի 12-ակի չեմպիոն Ֆլոյդ Մեյվեզեր կրտսերը չի բացառել, որ դարձյալ կմենամարտի UFC-ի 2 քաշային կարգերում նախկին չեմպիոն, իռլանդացի Քոնոր Մաքգրեգորի հետ: Ամերիկացու խոսքով՝ դրանից առաջ նա մտադիր է հանդիպել խառը մենամարտերի թեթեւ քաշային կարգում UFC-ի չեմպիոն Խաբիբ Նուրմագոմեդովի հետ:
«Մաքգրեգորը շարունակում է անհեթեթություններ ասել, այնպես որ նրա հետ դեռ ամեն բան ավարտված չէ: Երբ մենք կլուծենք Խաբիբի հարցերը, ես դարձյալ կմենամարտեմ Քոնորի հետ»,- ասել է Ֆլոյդ Մեյվեզերը, փոխանցում է TMZ-ը:
Հիշեցնենք, որ 2017-ին 30-ամյա իռլանդացին պրոֆեսիոնալ բռնցքամարտի կանոններով մենամարտել էր Ֆլոյդ Մեյվեզերի հետ եւ պարտվել տեխնիկական նոկաուտով։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։