Լյուկ Շոուն երկարաձգել է «Մանչեսթեր Յունայթեդի» հետ պայմանագիրը եւ կստանա ավելի բարձր աշխատավարձ
20:41 18 հոկտեմբերի, 2018«Մանչեսթեր Յունայթեդի» անգլիացի պաշտպան Լյուկ Շոուն երկարաձգել է անգլիական ակումբի հետ գործող պայմանագիրը, հայտնում է ակումբի կայքը:
23-ամյա ֆուտբոլիստի նոր համաձայնագիրը նախատեսված է մինչեւ 2023 թվականի ամառը:
Բրիտանական մամուլի համաձայն՝ նոր պայմանագրով Շոուի շաբաթական աշխատավարձը կկազմի 150 հազար ֆունտ ստերլինգ: Մինչեւ այս նա ստանում էր շաբաթական 100 հազար ֆունտ:
Լյուկ Շոուն 2014-ին անգլիական «Սաութհեմփթոնից» է տեղափոխվել «Մանչեսթեր Յունայթեդ», որի հետ նրա նախորդ պայմանագիրն ավարտվում էր այս մրցաշրջանի վերջում: Անգլիայի ընթացիկ առաջնությունում պաշտպանը մասնակցել է 7 խաղի եւ խփել մեկ գոլ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։