Իտալական «Ռոմայի» ու Բոսնիա-Հերցեգովինայի հավաքականի հարձակվող Էդին Ջեկոն, դուբլի հեղինակ դառնալով Հյուսիսային Իռլանդիայի դեմ ՈւԵՖԱ-ի Ազգերի լիգայի չորրորդ տուրի խաղում (2:0), ազգային թիմի կազմում գոլերի քանակը հասցրել է 55-ի:
Ազգային թիմում խփած գոլերի ցուցանիշով 32-ամյա Ջեկոն հավասարվել է լեհ Ռոբերտ Լեւանդովսկուն ու չեխ Յան Կոլերին, որոնց հետ 10-րդ տեղն է բաժանում է եվրոպական հավաքականների պատմության լավագույն ռմբարկուների ցուցակում:
Հիշեցնենք, որ եվրոպական հավաքականների պատմության լավագույն ռմբարկուն պորտուգալացի Կրիշտիանու Ռոնալդուն է, որը ազգային թիմում խփել է 85 գոլ: Թուրինի «Յուվենտուսի» նորեկին հաջորդում են հունգարացի Ֆերենց Պուշկաշն (84) ու Շանդոր Կոշիչը (75):
Էդին Ջեկոն 2007 թվականից է հանդես գալիս Բոսնիա եւ Հերցեգովինայի հավաքականում, որի կազմում անցկացրել է 96 հանդիպում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։