Կատալոնական «Բարսելոնան» դիտարկում է Բրազիլիայի հավաքականի հարձակվող Նեյմարին ֆրանսիական ՊՍԺ–ից վերադարձնելու տարբերակը, հաղորդում է Mundo Deportivo–ն։
Նեյմարը «Բարսելոնայում» հանդես է եկել 2013–2017 թվականներին եւ փարիզյան թիմ է տեղափոխվել 222 միլիոն եվրոյով։
Պարբերականը գրում է, որ 26–ամյա ֆուտբոլիստը վաղուց է ափսոսում Ֆրանսիայի առաջնություն տեղափոխվելու համար եւ մի քանի անգամ դիմել է «Բարսելոնայի» ղեկավարությանը վերադառնալու ցանկության ակնարկով։
Անցած ամռանը Մադրիդի «Ռեալը» ստիպված եղավ պաշտոնապես հերքել բազմաթիվ լուրերը, թե բանակցում է Նեյմարի հետ։ ՊՍԺ–ի նախագահ Նասեր Ալ Խելաիֆին խոստովանել էր, որ ակումբում դժգոհ են Նեյմարի հնարավոր հեռանալու մասին շահարկումների կապակցությամբ։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։