«Յուվենտուսը» պատրաստ է 70 միլիոն եվրո վճարել Խամես Ռոդրիգեսի համար

22:13   17 հոկտեմբերի, 2018

Իտալիայի չեմպիոն Թուրինի «Յուվենտուսը» պատրաստ է հաջորդ ամռանը 70 միլիոն եվրո վճարել Խամեսի Ռոդրիգեսի համար, հաղորդում է AS–ը։ Կոլումբացի կիսապաշտպանն այժմ վարձակալությամբ հանդես է գալիս Գերմանիայի չեմպիոն Մյունխենի «Բավարիայում»։ Նրա տրանսֆերային իրավունքը պատկանում է Մադրիդի «Ռեալին»։

Գերմանական սուպերակումբը մտադիր չէ հաջորդ ամռանը երկարաձգել համագործակցությունը Խամես Ռոդրիգեսի հետ։ Նրա շահերը ներկայացնում է հայտնի պորտուգալացի գործակալ Ժորժե Մենդեշը, որը լավ հարաբերություններ ունի «Յուվենտուսի» մարզական տնօրեն Ֆաբիո Պարատիչիի հետ։

27–ամյա ֆուտբոլիստը «Բավարիա» է տեղափոխվել 2017թ. ամռանը 13 միլիոն եվրոյով։ Պայմանագրում ամրագրված է, որ «Բավարիան» 42 միլիոն եվրոյով կարող է ձեռք բերել Խամես Ռոդրիգեսի տրանսֆերային իրավունքը։ Նրա ծառայություններով հետաքրքրված է նաեւ Լոնդոնի «Արսենալը»։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։