Պատանեկան Օլիմպիական խաղեր. Հայաստանի թիմը ելույթն ավարտեց 2 մեդալով
17:40 17 հոկտեմբերի, 2018Հայաստանի պատանեկան օլիմպիական հավաքականը 2 մեդալով է ավարտել ելույթը Արգենտինայի մայրաքաղաք Բուենոս Այրեսում անցկացվող ամառային երրորդ Օլիմպիական խաղերում:
Հայաստանի թիմից վերջինը հանդես է եկել գեղարվեստական մարմնամարզուհի Յուլիա Վոդոպյանովան, որը բազմամարտում դուրս էր եկել եզրափակիչ եւ գրավել է 6-րդ տեղը:
Ավելի վաղ ծանրորդ Կարեն Մարգարյանը ոսկե մեդալ էր նվաճել 77 կգ քաշային կարգում, իսկ հունահռոմեական ոճի ըմբիշ Սահակ Հովհաննիսյանը (60կգ) դարձել էր բրոնզե մեդալակիր:
Հայաստանի թիմի կազմում Բուենոս Այրեսում հանդես եկան նաեւ ծանրորդ Լիանա Գյուրջյանը (63 կգ), թաեքվոնդոիստ Անդրանիկ Խաչատրյանը (73 կգ), ձյուդոիստ Յուրի Իսրայելյանը (55 կգ), հրաձիգ Հայկ Բաբայանը (10 մ օդամղիչ ատրճանակ) եւ լողորդ Արթուր Բարսեղյանը:
Հայաստանի պատվիրակությունը հայրենիք կվերադառնա հոկտեմբերի 23-ին՝ ժամը 00.50-ին, Դոհա-Երեւան չվերթով:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։