Ֆուտբոլի աշխարհի չեմպիոն Ֆրանսիայի հավաքականի գլխավոր մարզիչ Դիդյե Դեշամը պատասխանել է Լոնդոնի «Արսենալի» ավագ Լորան Կոսելնիի քննադատությանը: Նախօրեին ֆրանսիացի պաշտպանը հայտարարել էր Ֆրանսիայի հավաքականում կարիերան ավարտելու մասին՝ նշելով, որ վնասվածքից հետո Դեշամը մոռացել է իր մասին:
«Ինձ ու մարզչական շտաբին զարմացրին Կոսելնիի հայտարարությունը: Աշխարհի առաջնությունը Կոսելնիի համար մեծ նպատակ էր կարիերայի մայրամուտին, սակայն նա վնասվածք ստացավ ու չկարողացավ մեկնել Ռուսաստան: Դա շատ լուրջ հիասթափություն է, երբ ֆուտբոլիստն ունենում է չավարտված գործեր:
Ես զանգել եմ Կոսելնիին, երբ նա վնասվածք էր ստացել: Նույնիսկ նրա հետ քննարկել եմ վիրաբույժի ընտրության հարցը, առաջարկեցի գալ հավաքականի ճամբար, երբ մենք պատրաստվում էինք աշխարհի առաջնությանը: Սեպտեմբերին ես զանգեցի ու շնորհավորեցի նրա ծննդյան տարեդարձը, մենք զրուցել ենք նաեւ երեկ: Գուցե ես այնքան էլ անկեղծ չեմ խոսել նրա հետ վերջին շրջանում: Անկախ ամեն ինչից, այս իրավիճակը չի փոխի իմ կարծիքը Կոսելնիի մասին»,- Դեշամի խոսքը մեջբերում է Goal.com-ը:
Հիշեցնենք, որ Լորան Կոսելնին շարունակում է վերականգնվել աքիլեսյան ջիլի վնասվածքից, որը ստացել էր մայիսին: Սպասվում է, որ նա մարզումները կվերսկսի նոյեմբերին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։