Արդա Թուրանին սպառնում է 12.5 տարվա ազատազրկում
12:09 16 հոկտեմբերի, 2018Թուրքական «Իստանբուլ Բաշակշեհիրի» կիսապաշտպան Արդա Թուրանին 12.5 տարվա ազատազրկում է սպառնում Ստամբուլի գիշերային ակումբներից մեկում թուրք երգիչ Բերկայ Շահինի վրա հարձակման համար: Հենց այդպիսի պատժամիջոց է պահանջել դատախազությունը, գրում է CNN-ը:
Հիշեցնենք, որ Մադրիդի «Աթլետիկոյի» ու Թուրքիայի հավաքականի նախկին ֆուտբոլիստը կոտրել էր երգչի քիթը: Տուժողը հոսպիտալացվել է եւ ենթարկվել քթի վիրահատության: Գիշերային ակումբում բախումը սկսվել է այն բանից հետո, երբ թուրք ֆուտբոլիստը փորձել էր սիրահետել Բերկայ Շահինի կնոջը՝ Օզլեմ Շահինին:
Արդա Թուրանի տրանսֆերային իրավունքը պատկանում է «Բարսելոնային»: Նա կատալոնական ակումբում խաղացել է 2015-2017-ը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։