Ֆուտբոլի Հայաստանի եւ Մակեդոնիայի հավաքականների միջեւ ՈւԵՖԱ-ի Ազգերի լիգայի չորրորդ տուրի հանդիպումից առաջ տեղի ունեցած կազմակերպչական ժողովի ընթացքում հաստատվել են թիմերի մարզաշապիկների գույները:
Հայաստանի հավաքականը հանդես կգա ամբողջությամբ կարմիր համազգեստով, իսկ մակեդոնացիները՝ սպիտակ՝ մոխրագույն շերտերով, հայտնում է ՀՖՖ մամուլի ծառայությունը:
Հայաստան - Մակեդոնիա հանդիպումը կկայանա հոկտեմբերի 16-ին Երեւանի «Հանրապետական» ստադիոնում կայանալիք եւ կսկսվի ժամը 20:00-ին: Խաղը կսպասարկի Շվեդիայի մրցավարական անձնակազմը՝ 41-ամյա Մարտին Ստրյոմբերգսոնի գլխավորությամբ:
Հոկտեմբերի 13-ին Հայաստանի հավաքականը Երեւանում նվազագույն հաշվով պարտվել էր Ջիբրալթարի հավաքականին, որն իր պատմության մեջ առաջին հաղթանակը տարավ պաշտոնական խաղերում:
Հայաստանի եւ Մակեդոնիայի հավաքականիների միջեւ առաջին շրջանի խաղում մակեդոնացիները տնային հաղթանակ են տարել 2:0 հաշվով եւ 9 միավորով գլխավորում են D դիվիզիոնի չորրորդ խումբը: Հայաստանի, Լիխտենշտեյնի ու Ջիբրալթարի հավաքականներն ունեն 3-ական միավոր:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։