Հայաստանի հավաքականն անցկացրեց նախախաղային մարզում (NEWS.am Sport live, ֆոտոշարք)
18:32 12 հոկտեմբերի, 2018Ջիբրալթարի թիմի դեմ ՈւԵՖԱ-ի Ազգերի լիգայի երրորդ տուրի խաղին պատրաստվող ֆուտբոլի Հայաստանի ազգային հավաքականը հոկտեմբերի 12-ին նախախաղային մարզում անցկացրեց Երեւանի «Հանրապետական» ստադիոնում: Մարզման մեկնարկային 15 րոպեներին ներկա էին նաեւ լրագրողները:
Մարզմանը մասնակցեցին հավաքին հրավիրված բոլոր ֆուտբոլիստները: Հայաստանի հավաքականի նորանշանակ գլխավոր մարզիչ Արմեն Գյուլբուդաղյանցը նախախաղային ասուլիսում հայտնել էր, որ հավաքին մասնակցող բոլոր խաղացողները պատրաստ են առաջիկա հանդիպումներին, միայն թեթեւ վնավսածք ունի Մարկոս Պիզելին: Ղազախական «Ակտոբեի» կիսապաշտպանը եւս մասնակցում էր նախախաղային մարզմանը:
Հոկտեմբերի 12-ի առավոտյան «Հանրապետական» ստադիոնում նախախաղային մարզում է անցկացրել նաեւ Ջիբրալթարի հավաքականը:
Հիշեցնենք, որ Հայաստան - Ջիբրալթար հանդիպումը կկայանա հոկտեմբերի 13-ին Երեւանի «Հանրապետական» ստադիոնում եւ կսկսվի ժամը 20:00-ին: Հոկտեմբերի 16-ին Հայաստանի հավաքականը Երեւանում կընդունի նաեւ խմբի առաջատար Մակեդոնիայի թիմին, որին առաջին շրջանում պարտվել է 0:2 հաշվով:
Դավիթ Եղիազարյան
Ֆոտո՝ Էմմա Ասատրյան
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։