Բուենոս Այրեսում շարունակվող պատանեկան Օլիմպիական խաղերում Հայաստանի առաջին մեդալը նվաճել է ծանրորդ Կարեն Մարգարյանը, որն արժանացել է չեմպիոնի տիտղոսին:
77 կգ քաշային կարգի երկամարտում պատանիների Եվրոպայի կրկնակի չեմպիոն Մարգարյանը գրանցել է 309 կգ արդյունք (141+168): Երկրորդ տեղ գրաված ուզբեկ ծանրորդը երկամարտում մեկ կգ է զիջել հայ մարզիկին:
Ծանրամարտի մրցաշարում Հայաստանն ունի եւս մեկ ներկայացուցիչ՝ Լիանա Գյուրջյանը (63 կգ), որը հանդես կգա հոկտեմբերի 13-ին:
Հոկտեմբերի 12-ին պայքարի մեջ կմտնի նաեւ հունահռոմեական ոճի ըմբիշ Սահակ Հովհաննիսյանը (60կգ)։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։