Խաբիբ Նուրմագոմեդովը հանդիպել է Վլադիմիր Պուտինին
00:31 11 հոկտեմբերի, 2018Խառը մենամարտերի թեթեւ քաշային կարգում UFC չեմպիոն Խաբիբ Նուրմագոմեդովը հանդիպել է Ռուսաստանի նախագահ Վլադիմիր Պուտինին: Նախագահը դաղստանցի մարտիկին շնորհավորել է Լաս Վեգասում կայացած UFC 229 մրցաշարում իռլանդացի Քոնոր Մաքգրեգորի նկատմամբ հաղթանակի առթիվ, ինչպես նաեւ անդրադարձել մենամարտից հետո տեղի ունեցած սկանդալային իրադարձություններին: Հանդիպմանը ներկա է եղել նաեւ Խաբիբի հայրը՝ Աբդուլմանալ Նուրմագոմեդովը:
Այդ մենամարտից հետո Պուտինը զանգել էր Նուրմագոմեդովին եւ շնորհավորել նրան:
Հիշեցնենք, որ 30-ամյա Նուրմագոմեդովը UFC-ի 2 քաշային կարգերում նախկին չեմպիոն Քոնոր Մաքգրեգորին հաղթել էր խեղդող հնարքով: Իռլանդացին հանձնվել էր:
Մենամարտից հետո մարզիկների թիմերի միջեւ բախում է եղել մարզադահլիճում, որը սադրել է Հաբիբը՝ դուրս գալով ութանկյունից: Նա հարձակվել է Մաքգրեգորի ընկեր Դիլոն Դենիսի վրա: Այդ պահին ութանկյուն է մտել Նուրմագոմեդովի մարտավկա Զուբայր Տուխուգովը եւ սկսել է կռվել Մաքգրեգորի հետ: Հաբիբը ոստիկանների ուղեկցությամբ լքել է դահլիճը: Չեմպիոնին գոտին չեն հանձնել:
Քոնոր Մաքրեգորը UFC-ում հանդես չէր գալիս 2016-ից: 2017-ին 30-ամյա իռլանդացին պրոֆեսիոնալ բռնցքամարտի կանոններով մենամարտեց 5 քաշային կարգերում աշխարհի չեմպիոն Ֆլոյդ Մեյվեզերի հետ եւ պարտվեց տեխնիկական նոկաուտով։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.