Բուենոս Այրեսում շարունակվող պատանեկան ամառային օլիմպիական խաղերի լողի մրցաշարում Հայաստանի միակ ներկայացուցիչ Արթուր Բարսեղյանը նվաճել է եզրափակիչի ուղեգիր:
50 մ ազատ լողաոճում Բարսեղյանը նախ 23.17 վայրկյան արդյունքով հաղթահարել է որակավորման փուլը, իսկ կիսաեզրափակիչում գրանցել է 22.69 վայրկյան արդյունք եւ չորրորդ տեղով դուրս եկել եզրափակիչ:
Հայաստանի մեկ այլ ներկայացուցիչ Յուլիա Վոդոպյանովան գեղարվեստական մարմնամարզության մրցաշարում հաջող է կատարել օղակով եւ գնդակով վարժությունները: Հոկտեմբերի 10-ին նա հանդես կգա ժապավեն եւ գուրզեր մրցաձեւերում:
Հոկտեմբերի 10-ին պայքարի մեջ կմտնի նաեւ Անդրանիկ Խաչատրյանը (73կգ, թաեքվոնդո), հայտնում է ՀԱՕԿ-ի մամուլի ծառայությունը:
Ֆոտո՝ ՀԱՕԿ
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։