Լոնդոն-2012. Բրազիլացի ֆուտբոլիստները պարտվեցին եզրափակիչում

19:51   11 օգոստոսի, 2012

30-րդ Օլիմպիական խաղերի ֆուտբոլի տղամարդկանց մրցաշարն ավարտվեց Մեքսիկայի հավաքականի հաղթանակով:

Եզրափակիչում մեքսիկացիները 2:1 հաշվով առավելության հասան մրցաշարի հաղթողի գլխավոր հավակնորդ համարվող Բրազիլիայի հավաքականի նկատամամբ:

Լոնդոնի «Ուեմբլի» ստադիոնում կայացած խաղում դուբլի հեղինակ դարձավ մեքսիկական «Սանթոս Լագունայի» հարձակվող Օրիբե Պերալտան, ով բրազիլացիերի դարպասը գրավեց հանդիպման 27-րդ վայրկյանին եւ 75-րդ րոպեին: Ավելացված ժամանակում պորտուգալական «Պորտուի» բրազիլացի հարձակվող Հալկը կրճատեց հաշվի տարբերությունը, սակայն ավելին անել չհաջողվեց:

Աշխարհի հնգակի չեմպիոն Բրազիլիայի հավաքականն այս անգամ եւս չկարողացավ ոսկե մեդալ նվաճել Օլիմպիական խաղերում:

Հիշեցնենք, որ բրոնզե մեդալի համար խաղում Հարավային Կորեայի թիմը 2:0 հաշվով հաղթել էր Ճապոնիայի հավաքականին:

30-րդ Օլիմպիական խաղեր

Ֆուտբոլ, տղամարդիկ

1. Մեքսիկա

2. Բրազիլիա

3. Հարավային Կորեա



© 2019 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։