Խառը մենամարտերի թեթեւ քաշային կարգում UFC չեմպիոնի տիտղոսը պաշտպանած Խաբիբ Նուրմագոմեդովը կտուգանվի 250 հազար դոլարով, հայտնել է UFC-ի ղեկավար Դանա Ուայթը, փոխանցում է TMZ-ն: Ռուսաստանցի մարտիկին սպառնում է նաեւ մեկ տարվա որակազրկում:
Հիշեցնենք, որ Լաս Վեգասում տեղի ունեցած տիտղոսային մենամարտում խեղդող հնարքով իռլանդացի Քոնոր Մաքգրեգորին հաղթած Նուրմագոմեդովը մենամարտից հետո դուրս էր եկել ութանկյունից եւ հարձակվել Մաքգրեգորի թիմի ներկայացուցիչների վրա: Հանձաժողովը նաեւ կսառեցնի հոնորարի վճարումը Նուրմագոմեդովին մինչեւ միջադեպի հետաքննության ավարտը: Նուրմագոմեդովը պետք է ստանա 2 միլիոն դոլար:
Նուրմագոմեդովը մենամարտից հետո տեղի ունեցած ասուլիսում ներողություն խնդրել կազմակերպիչներից եւ Նեւադայի Աթլետիկական հանձնաժողովից՝ իր վարքը պայմանավորելով Մաքգրեգորի եւ նրա թիմակիցների կողմից արած վիրավորանքներով:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։